Monday, September 24, 2012

✔ ✔ முதன் முதலாக ...✔ ✔

திடீரென ஓர் கை
என்னை தடுத்து
நிறுத்த காண்கிறேன்
அவன் முகம் -ஓர்
இனம் புரியாத நிழலில்.

ஆசைப்பட்ட சிறு சிறு அம்சங்கள்
அனைத்தும் ஒன்றினைந்ததாக
காண்கிறேன் - அவன் உருவம்.

என்னோடு  புன்னகைத்த படி
அதுவும் என்னருகில்...
பேச வார்த்தைகள் இன்றி
சிறகடித்து பறக்கிறது இளமனம் .

பல நாள் பழகியவன் போல்- அவனும் .
அவனை நன்கு அறிந்தவளாக -நானும்.

செல்கிறோம்.. சென்றுகொண்டு  இருக்கிறோம்.
ஓர் நீண்ட பயணம்.

பயணத்தின் நடுவே ஓர் திடீர் பிரிவு.
திடுக்கிட்டது நெஞ்சம் - கூடவே
விழித்து கொண்டன கண்கள்.
 நேரம் நள்ளிரவு 2 மணி !!!

கண்டதெல்லாம் வெறும் கனாவென
கைகொட்டி சிரித்தது நிஜம் !

மனமோ சோகத்தின் உச்சியில்
வேண்டுகிறது இறைவனிடம்.
இனிவரும் இரவுகளிலும் கண்
மூடியதும் தந்துவிடு
என்னவனுடனான  நடைபயணத்தை.


Wednesday, September 12, 2012

!!வைரமுத்துவின் தனக்கு தானே கொள்ளி வைக்கும் சிகரெட் பிரியர்கள்!!


சுகமா சுந்தரம்
மதுரையில் மழையா
எந்த மழை பெய்தென்ன
உன் அக்கினி
விரல் மட்டும்
அணையாதே??

அது சரி.. இந்த
சிகரெட் மங்கைக்கு
எந்த வயதில் நீ
தாலி கட்டினாய் ??

கை பிடித்த
நாள் தொட்டுக்
கைவிட மறுக்கிறாயே !

வேண்டாம்
புகை பிடிப்பதைப்
பொசுக்கி விடு !

கை கழுவினாலும்
போகாதிருக்க
அது ஒன்றும்
கைரேகையன்று !

வாழ்க்கை உன்னை
மாலை கட்டி
வரவேற்கும் போது
நீ ஏன் நிக்கோடினோடு
நிக்காஹ் செய்கிறாய் ?

ஜாக்கிரதை
புகை உனக்குள்
புற்று கட்டும்!

காற்றை நிறுத்தி விட்டுப்
புகையை மட்டும்
சுவாசிப்பவனே ..

உனக்கு நீயே
கொஞ்சம் கொஞ்சமாய்
ஏன் கொள்ளி
வைத்து கொள்கிறாய் ??

சிகரெட் பேட்டியின்
உள்ளட்டை
வெள்ளையாய் இருகிறதே
அது யாரோ
ஒருத்தியின்
விதவை நிறமல்லவா?


சிகரெட் என்பது
பற்ற  வைக்கும் ஒரு
தொற்று நோய் !

நிறுத்தி விடு
இல்லையேல்
உன் நுரையீரல்கள்
கறுப்புத் தாமரைகளாய்க்
கருகி விடும்!

Popular Posts